12 Mil ji lami jini, a nikii ma lishti ga̱ɓa,

na̱k ɗe Nya taasikii da̱ska̱n ga̱ byas wul jwaka̱n ka tumal Yesu wu.

13 Kolsi, a nikii ma lishti ga̱ɓa,

na̱k ɗe ka̱a̱ yisti wu, ti ɗe tet ten lakti zhila ga̱ dii atl ka̱n ta̱ ni wu.

Mil samali, a nikii ma lishti ga̱ɓa,

na̱k ɗe ka̱a̱ man ngetl ga̱ guu ma̱zhe wu.

Mil jini, a nikii ma lishti ga̱ɓa,

na̱k ɗe ka̱a̱ yis Nya Aba wu.

14 Kolsi, a nikii ma lishti ga̱ɓa,

na̱k ɗe ka̱a̱ yisti wu, ti ɗe tet ten lakti zhila ga̱ dii atl ka̱n ta̱ ni wu.

Mil samali, a nikii ma lishti ga̱ɓa,

na̱k ɗe kii wo ma̱n nda̱lti ka̱n,

a ga̱ɓa ga̱ Nya nima da̱mti ka̱ mbadl gwaka̱n wu,

a ka̱a̱ man ngetl ga̱ guu ma̱zhe wu.

15 Ba̱k lama̱n byas da̱mti ga̱ dii atl gee, sogo wul jwe ni giɓi wu so. Ma̱lgwe lam byas da̱mti ga̱ dii atl gee go, lamti Nya Aba ni ka̱ mbadl gwas so.