Atos 7

44 <<Tenti ni aba jina̱n ɗa gwe sa̱ ngusi la̱t na̱ nali ka̱ me wu. Tenti gwisi ka̱n Nya hwi Musa ɗe ta̱s pa̱li, yek ta̱ pa̱li kangwe Nyami hwit ɗu. 45 Tenti gwisi ka̱n sa̱ lak mbi ka̱ gini jwe Joshuwa ndesi cina, ɗe ta̱ mbolisi ma̱n atl ga̱ Kan’ana ka̱wu. Tenti gwisi ni ɗa hal yek la gini gwe Dauda da̱n ɗe guu ga̱ Israila wu. 46 Dauda ka̱ mbi hwol hwulan mal Nya, yek ta̱ ngemti ɗe ta̱s kini lubii Nya ga̱ Yakubu,*7:46 Ka̱ lishti jon tek woLubii ga̱ Yakubu lubii gwe ma̱n Yisiraila a ngusit atl giɓi wu.

47,48 <<Ko ɗe ba̱ Nya Bal Kakshe a da̱n ka̱ lubii gwe a mbala̱n kin sowu, yek Sulemanu yen ga̱ Daude kin bal lubiimi. Na̱k gwe ma̱n dla̱mti ga̱ɓa ga̱ Nya gon dla̱m wu ɗe,

49 << <Bagaa Nya dla̱m ɗe,

Dlo nya ka̱ɗe gobdlan guu gini,

a dii atl ka̱ɗe lu za̱t asa̱n gini.

Wuda̱l ga̱ bii gwi ka̱n kaa kini gwi?

A ko ka̱n lu shukti gini ko?

50 Amik pa̱l mas wul jwisi na̱ ang gi sa?>*7:50 Yen Ish 66:1,2.