MA̱N APISA 2

Nya ba̱la̱nni mbadl gwe ba̱ a paki so wu ka̱ almasihu

1 Tek go na̱k ga̱ ma̱shi ka̱n ka̱a̱ ni na̱k ɗe kii wo ma̱n la̱shi kumti bi suk ma̱n pa̱lti byas wul ka̱wu. 2 Ka̱ sa’i gwe ka̱a̱ yima kopti byas tantu ji dii atl ge wu, ɗe aka̱a̱ kop byas guu gwe tik ɗe bacina ga̱ to nya ka̱ wu.*2:2 byas guu gwe tik bacina ga̱ to nya ka̱wu Sheɗan Tik ɗe byas ma̱zhe gwe na̱ma cokti ga̱ mbala̱n ten ɗe ba̱s kumi bi Nya sowu. 3 Tek go mas jina̱n nu ka̱n ama̱ da̱ma̱nni, ma̱ na̱nma kopti ka̱pti ga̱ dli ga̱na̱n, ma̱ na̱nma kopti ilgwe dli ga̱na̱n suk mbadl ga̱na̱n zini wu. Mi mago tek go lilti mbadl ga̱ Nya a susut tena̱nni na̱k gwasa̱n wu, na̱k ɗe pa̱lti wul ga̱na̱n wo ga̱ dli ka̱wu.

4 Ama Nya wo ma̱n yenti gonti ka̱n i’e, lamti gwe ata̱ lama̱nni go ma̱n nalti ka̱n. 5 Tun ka̱ sa’i gwe ma̱ yi ga̱ ma̱shi ka ka̱ pa̱lti byas wullu yek ta̱ palla̱ni kaami suk Almasihu. Tumal alheri ka̱n ka̱a̱ mbi kisti.