Timoti a pan labari u laco
6 Ama Timoti a giwo aci zwama an a sire a hwaboi bane hinda aci zwama an busa komgage cikarigo na maka̠la̠ ma Hwinsu na burya̠ hinda. Aci zwama inga ganhi iza cikarigo ci burya̠ na ganhi 7 Zwama haruniya, ahun namui, sungorwa na wahala nuci ci hoge laco na tano soo nihi ube u cijidane ci pan koce u soo. 8 zwama baniya, ci yiwa na hoge laco si yinsa pa Hwinsu. 9 Neya gaci pwana i goje Hwinsu zwama soo cine nuci pa Hwinsu zwama ga̠hi. 10 Gita na hwinsu ci yiwa na ahunda̱ Hwinsu uci ga̱mi na ga̱hi zwama ci pan ina i ga̱hi iza na itano i suwa nuhin 11 Baniya Hwinsu na buca na icwa i buba na Buca̱ bu yaba Yesu i pan yina an ga̱ci ci korya a hwa̱hi. 12 Maka̠la̠ ma Hwinsu majine dinyiya na sicwa a sihin na korwa pa aco ka̱mu nga̱ ga̱ci yiwa na ia̱gya. 13 Hwinsu ui pan koce u suwa hal iza nagu ciri hal u sa aco na aba gingyago a nagu u magwata̠ na kamahinda pa Yesu aba ai korya na aco na yiwa tare na bware.