Efésios 1

Ahunda na godjiya

15 Zwama haruni, tun hon una u gya na hoge i iyadwo nibui pa Buca̠ bu yaba Yesu na maka̠la̠ amabui pa aco cihano ci burya̠, 16 Na curiwo i goju i Hwinsu zwama ga̱hi. Na ma’inganuwa na ga̱hi hun gya na yiwa na ahunda. 17 Ni kabo Hwinsu u Buca̠ bu yaba Yesu Kristi, ui pan a̱huru a mahansa ana ai hyanagu, zwama go daki Hwinsu na burya̠. 18 Na yiwa na ahunda hinda Hwinsu uba u gonje haisa hasuwa ahahin zwama i daki ina isa i tano soo ina aba ai i’uga, gajo una uza uhare pa korwa aco na yiwa na ia̱go i burya̠, 19 na koce u Hwinsu una uza uhare pa korwa pa aco na yadje nuba. Koce uni usa nga̱ ibwana i danrun u koce Hwinsu, 20 koce una uba hoge ube ansige Kristi pa aco akwajo kwa na dala bware na wa u cuga u Hwinsu na zaro, 21 Kristi ibe iyiwa na cugwama ci tibai ina yiwa na zata, cina aba ai pan, cina ci zake ka̱mu cigwama cina ciyiwa na doone una u yiwa na korwa. 22 Hinda Hwinsu iri tibai i yan na imya na buna u bware kwa na san bu labe na ka̱mu ina yiwa na coci, 23 coci ube usa ikanga i Kristi, buna bu isinju i ka̱mu tibai na tibai tuhonba.