Efésios 5

Si’ah na aco cware

22 Si’a si cigya, cutanaje sucwa asihin pa sare asihi nga Buca̱ bu yaba. 23 Zwamu bware bube buza iko na Bu’a buba bubiya busa icwa Bu’a a buba, Inga Yesu Kristi abasa icwa yi coci, ikanga yiba, ibiya na aco i bware ibiya i caga ikanga. 24 Baniya nga̱ alagano aba yaje a pa sucwa saba pa Yesu Kristi, harbuniya hinda si’a siba si pa sucwa sisib pa sare siba na tuwamba kamu. 25 Aco cware, ka̱la̱ngi Si’a sihi nga̱ Yesu kristi aba ka̠ri alagano abware hal bware bu pa ico i bware zwamu waba. 26 Zwamu alagano aya ko na ciriye pa Hwinsu pa cikarigiwa ci uba hinda na guzagu weba na miya. 27 Bware bu iyi haruniya zwamu hon ana bware buba bui pana aco i burya̠ alagano aya na daraja dinya ko na daba, hinda ko na nagu magwata̱. 28 Harubuniya hinda, aco cware i ka̱la̱ngi si’a sihi nga mukanga amuhi buna bu kari bu’a buba to bu ka̠ri icwa i buba. 29 Aza buna bui wunje icwa ibuba kwa bu i kula na ikanga i buba. kyabo ni Yesu kristi aba kari kamu alagano waba. 30 Zamu harbuniya gaci cisa kama ikanga yaba. 31 Inga abba rubuci na cikarigiwa ci Musa <<Buco bu cure buca na mace buba buba mayabta̱ pa Bu’a buba aba barya̱ a sanya i bika̱. munegwa muika>> 32 Uniya usa asiri ana zwambuci- amma nawa na ye cikarigo ci Yesu Kristi na alagano aburya̠ . 33 Kamu na harbuniya, taga kamu bui ka̱ri bu buba nga buba kari icwa ibuba, hinda Bu’a buba pa Bware buba cilabe.