João 13

Yesu a guzagi buna u silmajiri sa ba

1 Wa sanuwo kapi lago ui kacigago. Yesu a daki na lokaci waba u i aba ai cura̱ doone a maringe pa Buca̱. Bu cibe an sa buba maka̱la̱ an yiwa na doonee, bu cibe ga maka̱la̱ hal kurwo ihogu. 2 Yesu na silmajiri si bware aba na re mare ma uyenbe, bugwama bu eewo bu rigyano bo eso na soo Yahuda Iskariyoti, bwa bu Saminu, na bu cuta a hone Yesu. 3 Yesu a daki ka̱mu tibai na Buca̱ bu iri ka̱mu koce tibai na wa u Bware, hinda bo sire pa a Hwinsu hinda bwe marigya pa Hwinsu; 4 kwa Yesu na masenga pa ihuga ina aba yiwa na re mare kwa na mabwajiga cilapo ci ijapu kwa na mapala itawul na abe. 5 Hinda kwa halan miya na udase kwa na rwaga iguzaga buna u Silmajiri, buba na isusuryaga na itawul ina buba mapala na abe a buba.

6 Nga̱ Yesu aba a korya pa Saminu buna aba ogo Bitrus, ana a hin na Yesu, <<Buca̱ bu yaba, gabui bui na guzaga buna?>>

7 Yesu a cane, <<Baniya bui dakuwo ina gya nayiwa na ia̱ga, ama bwe kore daki sa lokaci u i.>>

8 Bitrus a hin, <<Aye,>> <<Na za iyaje go na guzagi buna.>> Yesu a cane Bitrus, <<Sa ne bu guzaguwo buna, buza habe na gya.>>

9 Saminu buna aba ogo Bitrus a cane Yesu, <<Buca̱ bu yaba,>> sa buna ama siwa na icwa ka̱mu!>>

10 Yesu a hyen, <<Buco buna bu masigi bui ma guzagu buna kawai; zwama ikanga i buba i za ciriyo. Hinda go bu za ciriyo, ko nga̱ uba sa, ka̱mu nuhin.>> 11 Zwama Yesu a daki buna bu ginbo i cutan bware, ube u san buba hyen sa ka̱mu nuhin i za ciri.

12 Nga̱ Yesu aba hogi i guzaga buna u silmajiri, kwa bware na gupa na mabwadana cilapo kwa na maringya ihuga ina buba bo yiwa. 13 <<I yiwa na oga <Walami> na <Buca̱ bu yaba> harbuni uba yiwa, zwama ina gya na sa bini. 14 Bane gya, Buca̱ bu yaba na Walami, ni guzagi buna nuhin, ga̱hi ma ala je i guzagi buna i sicwa a sihin. 15 Ne cibe misali zwama ga̱hi hinda i ia̱ nga̱ gya na ia̱gi. 16 Kamahinda na zwama, aza bugyama buna bu zake Buca̱ bu yaba bu buba, ko hinda bucuma bu zake buna bwa cuma bo. 17 Baniya nga̱ ga̱hai i daki ini, i hyan unu burya̠ si ia̱gi ini.