16 Hinda na kaba̱ Hwinsu Buca̱, hinda bui pan bubanganu, buna bui yan na ga̱hi na dala ana za ihogu 17 Buca̱ banganu buni, bube a san a̱huru a Hwinsu a kamahinda ai ciba kamahinda na Hwinsu. Doone uza ica bo, zwama u za i hyan bo ko u daki bo. Ama ga̱hi i daki bo, zwama bu madale na ga̱hi hinda ui yana na suwa na ga̱hi. 18 Sa na ali na za na icurya ganhi na maringe a pahin. 19 Na i cimu, doone u za na hyana, hinda i na hyana, zwama gya na zi a̱huru ana za ihogu ga̱hi ma i yan na a̱huru mana za ihogu. 20 Sa hon uni u kore i daki na yiwa na Buca̱ a bumui, hinda i yiwa na gya ga̱hi hinda i yiwa na gya. 21 Buna bu na laga cikarigo a cimu, bu be busa buna bu na ka̱ri.Buna bu na ka̱ri bui ka̱ri Buca̱ a bumui, gya hinda na ka̱ri bo hinda na ciba icwa nimui pa buba.>>

22 Kwa Yahuda (Sa Yahuda Iskariyoti) na hin, <<Ama, Buca̱ bu yaba, neya go bu ginbo na ma ciba icwa nebo pa gaci hinda sa na doone?>>

23 Yesu a cane, Ka̱mu buna ka̱ri, bwe lagana icibago nimui. Buca̱ a bumui bui ka̱ri bo, hinda Buca̱ a bumui na gya ci kore ci madale na buba. 24 Buna bui na ka̱ri wo bu za i lagana icibago nimui. Hinda icibago ina i ga̱hi i hoge gya, i sa nimui; Ama i sere pa Buca̱ a bumui buna bwa na cuma.

25 Na zwama ini ka̱mu kwa na yiwa tare na ga̱hi. 26 Ama bubanganu, a̱huru a Hwinsu, ana Buca̱ buba bui cuma na ize nimui, bui cibaga i ka̱mu hinda bui butaryaga tibai ka̱mu ina gya na zwame.