João 9

Yesu a hwingacume buco buna aba mace burubo

1 Yesu aba na ala,kwa aba na hyan buco buna aba mace burubo. 2 Kwa silmajiri na kaba̱ bware, <<Walami, ganba bu ia̱ magwata̱, burubo buna ko mace buba, aba mace bo burubo?>> 3 Yesu a cane, <<Sa buco buna ko mace buba a ia̱ magwata̱,>> ama a ia̱ ina zwama Hwinsu u cibe koce ibwana u ba pa buba 4 Dole gya ia̱ ibwana i buna bo na cuma, kwa mohon musa gane. 5 Nga̱ gya na yiwa na doone, gyamui na sa cingero u doone.>> 6 ga̱ Yesu aba zwame haruni, kwa na cwana hatanbi na cinge, ihici cinge na hatanbi, kwa na sukutaga haisa buruba. 7 Kwa Yesu na hyen na burubo, <<Ala,>> <<Masigitagi na iwaga Siluwam>> (ina aba yiwa na nupi cuman). Kwa buco na kore na maguzag, bo marenge yaba na hyanag. 8 Aco na mayabuta na buba hinda hyanagu bo na ia̱ una a kaba, <<Sa buco buna busa madale na ia̱ga una?>> 9 Acagiya aco hyen an bube.Aco mewa hyen, <<Aye, bu nyagana buba.>> Ama buba na icwa i buba bu natage, <<Gyamui.>> 10 A kaba, <<Neya haisa a habo hab ma gonje?>> 11 Bu cane ga, <<Buco buna aba ogo Yesu bube hici cinge kwa sukutaga na haisa. Bu hyen na gya kore na iwaga i Siluwam. Kwa gya na kore na ma guzaga, hinda kwa gya na hyanagu.>> 12 Kwa aba na kabana bwa, <<Bu yiwa honba?>> Bu hn, <<Na dakuwo.>>