Romanos 13

I lagano aco labe

1 Tiganba bu laga aco labe doone, zwama aza aco labe an sa Hwinsu ube u iri ga. Hinda ka̠mu aco labe na yiwa na gwamnati Hwinsu ube u iri ga. 2 Buna bu wonje i lagana aco labe na yiwa zata u mudaluwo mu ibwana i aco labe doone bu yagage ina Hwinsu uba hyen na laga,buna bu ia̠ haruni bu kulage icwa i buba shara’a si Hwinsu na sicwa saba. 3 Zwama aco na kumgage mudalo mu labe ai sa i iwasa musanman aco na a ia̠gu i burya̠ , kwa di aco na ai ia̠wo i burya̠ .Bu ginbo curi iwasa buna bu za koce hinda bu yiwazata u idalo i cugwama? Ea ina sa burya̠ hinda ai bu yabana. 4 Zwama busa bugyama bu Hwinsu bu burya̠ .Ama sa bu ia̠ ina i sa burya̠ , huga iwasa, zwama sa kanmui buco bu labe buba kumgage kasakari i pano i wahala.Busa bugyama bu Hwinsu, hinda pa buba Hwinsu uba ui sungula aco iwo. 5 Zwama haruni, usa dole i laga aco labe na yiwa gwamnati,sa zwama Hwinsu ui pan sungula ama zwama hasuwa a hanhin ha cibe iza magwata. 6 Ube u san ga̠hin i cupago ganju, zwama aco labe gwamnati asa gyama Hwinsu, an ai pan kanmu kuce waba paibwana cugwama. 7 Cupa tiganba ina buba yiwa na bu lagana: sa bu lagano ganju, cupa;ko musare mu atakada ai icwana, cupa; sa usa ihogo iwasa, hoga iwasa; sa usa cilabe, pan cilabe.