आत्मिक वरदान
1 हे वार्टुरा अदिक आकतींगेरा, ना चाहसालीन कि नीव पवित्र आत्मा अन्द वरदानगोळ बारा दा अनजान ईरी. 2 नीव जान्सतीर कि याग नीव खरा परमेश्वर उक अरालीर, हापाळ मुक्का मूर्तीगोळ्द पुजा माळकु अदिक अवरी मान्सोर अदिक अऊर हिंद नळोर. 3 इदुरसाटी ना नीमी चेतावनी कोळतीन कि जो यावारा परमेश्वर उन आत्मा अन्द अगुवाई देल माताळतान, आव अनालुन कि यीशु स्रापित आन; अदिक ना यावारा पवित्र आत्मा अन बिना अन सकतान कि यीशु प्रभु आन.
4 १२:४ रोमियों १२:६-८ वरदान रा हापाळ प्रकार इन आव, लेकीन पवित्र आत्मा ऊंद अच आद; 5 अदिक स्यावा भी हापाळ प्रकार इन आव, लेकीन प्रभु ऊंद अच आन; 6 अदिक प्रभावशाली क्याल्सा हापाळ प्रकार ईनव आव, लेकीन परमेश्वर ऊंद अच आन, जो सब दा हर प्रकार इन प्रभाव पैदा माळतान. 7 लेकीन सप्पा मुंदरी लाभ पहुचुसोर साटी हर ऊंद इक परमेश्वर उन पवित्र आत्मा अन प्रगट आगोद.