१ कुरिन्थि 14

24 लेकीन अगर सप्पा मुंदुर परमेश्वर उन दी टु सिकावाळा बातणी कोळली हत्यार, अदिक यावारा अविश्वासी या व्हार्यावाळा मंळसा बुळ्क होट बरूल, रा सप्पा मुंदुर आऊक दोषी ठहरूस बुट्टार अदिक जाँच कोंडार कि आव पापी आन; अदिक आव जान्स कोंडान कि आऊक पश्चाताप इन जरवत आद. 25 अदिक आऊन मन इन भेद प्रगट आगेदव, अदिक आग आव बाय इन भार देल बिदकु परमेश्वर उक दण्डवत माळ्यान, अदिक कबुल माळ कोंडान कि खराखुरा परमेश्वर नाम न्याड्या आन.