१ कुरिन्थि 6

मसीहगोळ दा मुकदमेबाजी

1 याग नीम न्याड्या आपस दा झगळा आगतद रा येन नीम दा टु हिंग यावारा आन जो पवित्र लॉकुर हात्‍ती होगोद बदला अविश्वासीगोळ देल न्याय माळसुसोद दुस्साहस माळतान? 2 येन नीव जान्सालीर कि विश्वासी पवित्र लॉकुर दुनिया अन न्याय माळ्यार? इदुरसाटी याग नीमी दुनिया अन न्याय माळोद आद, रा येन नीव स्यांळ्द से स्यांळ्द झगळागोळ्द भी निर्णय माळोद लायक ईलच? 3 येन नीव जान्सालीर कि नाव स्वर्गदूतगोळ न्याय माळेव? रा येन सांसारिक मातगोळ्द निर्णय माळतीदील? 4 अगर नीमी सांसारिक मातगोळ्द निर्णय माळोद ईतीदाद, रा येन आंदरी अक अच कुरसेतीर यार्द मंडली दा येनु भी संबंध ईलच? 5 ना नीमी शर्मिंदा माळोर साटी ईद अनतीन. येन खराखुरा नीम दा ऊंद भी बुद्धिमान सिकालुन, जो तान वार्टुर निर्णय माळ सकुल?