1 Pedro 2

21 लेकीन नीमी परमेश्वर इदुरसाटी कारदुन, यतिकी मसीह नीम साटी दुख नेगदुन अदिक हिंग माळकु नाम्द साटी ऊंद उदाहरण बिट्टुन ताकी नीव भी आऊन पद-चमत्कारगोळ मा नळु सकीर. 22 आव येनु पापगोळ माळीदिल अदिक यावारा यागल्यारा भी आऊन बाय देल ख्वाटा मातगोळ केळीदील. 23 याग आव अपमानीत आदुन आग आव याऊकु अपमानीत माळकु प्रती उत्‍तर माळीदील, याग आव दुख झेल्सदुन आग आव यारूकु धमकी कोटीदील, बल्‍की आ खरा न्याय माळावाळा न्यायी परमेश्वर दा तान आशा अक ईटदुन. 24 मसीह खुद अच नामव पापगोळ तान मय मा ताकोमकु क्रूस मा येरेदुन, ताकी नाव तान पापगोळ्द प्रती नाम मृत्यु आगेगुल अदिक न्यायीपन इन साटी जीवन बितुसेव: ईद आऊन आ बलिदान इन कारण अच आत यऊर देल नीव चंगा माळकु आगीर.