१ पतरस 4

परिवर्तित जीवन

1 इदुरसाटी याग कि मसीह मय दा आगकु दुख नेगदुन रा नीव भी अदा मनसा अक हथियार इन घाई धारण माळी, यतिकी याव मय दा दुख नेगदुन आव पापगोळ देल बिटोदुन, 2 ईग टु मुंद नीम्द वाचुस्त समय पृथ्वी इन जीवन मानवीय इच्छागोळ्द अनुसार ईला बल्‍की परमेश्वर उन इच्छा अन अनुसार जीवन व्यतीत माळुल. 3 यतिकी मूर्ति पुजा माळावाळेर्द इच्छा अन्द अनुसार क्याल्सा माळोद, अदिक असभ्यता, वासना, पियक्‍कळपन अवैध संबंध, रंगरेली, अदिक बेकार मूर्तिपूजा दा यल ताका नाव पयले समय गऊसदेव, अदा हापाळ आत. 4 इदुर देल आंदुर अचम्भा माळतार कि नीव हिंग बोयोद जंगलीपन अदिक लापरवाह अन्द जीवन जगुसोर दा आंदुर साथ कोळालीर, अदिक इदुरसाटी आंदुर नीम्द अपमान माळतार; 5 लेकीन जो सोतकु आर अदिक जित्‍तागोळ्द न्याय माळोर साटी तयार आन आ परमेश्वर उक नामी तान व्यवहार इन लेखा जोखा कोळोद बिद्दीत.