प्रभु उन दुबारा बरोद
13 हे वार्टुरा अदिक आकतींगेरा, नाव चाहसालेव कि नीव आंदुर बारा दा जो सोतकु आर, अग्यानी ईरी; हिंग आगबाळुल कि नीव दुसरा अन घाई शोक माळी यारी आशा हैलेच. 14 यतिकी अगर नाव विश्वास माळतेव कि यीशु सोत्तुन अदिक जित्ता भी आदुन, रा हांग अच परमेश्वर आंदरी भी जो यीशु मा विश्वास माळतेला सोत्तुर, यीशु उन सांगुळ जित्ता माळ्यान. 15 ४:१५ १ कुरिन्थि १५:५१,५२यतिकी जो प्रभु नामी कलस्यान नाव प्रभु उन वचन इन अनुसार नीम से ईद अनतेव कि नाव जो जित्ता आयेव अदिक प्रभु उन बरासताका ताका उळ्दकु ईत्तेव, सोत्तुर देल मुंद वाळुसतीदिल. 16 यतिकी प्रभु खुद अच स्वर्ग टु ईळदान; आ समय ललकार, अदिक प्रधान स्वर्गदूत उन शब्द केळ बंदीत, अदिक परमेश्वर उन तुरही उदकु आदीत; अदिक जो मसीह दा विश्वास माळतेला सोतार, आंदुर पयले जित्ता माळकु आदार. 17 आग नाव जो जित्ता अदिक उळ्दकु ईत्तेव आंदुर सांगुळ बादलगोळ मा नेगुकु आदेव कि हवा दा प्रभु उन सांगुळ सिकुल; अदिक ईद रीति देल नाव हमेशा प्रभु उन सांगुळ ईत्तेव. 18 ईद प्रकार इव मातगोळ देल आबुर दाबुरी प्रोत्साहित माळतोगी.