२ पतरस 3

8 हे प्रिय संगीगोळा, ईद ऊंद मात इक मारूबाळी कि प्रभु उन नजर दा ऊंद दिन अदिक ऊंद हजार साल दा येनु फरक हैलेच; आऊन साटी ईव येढ्ढु बराबर आव. 9 प्रभु तान प्रतिग्या अन बारा दा समय माळालुन, ह्यांग समय थ्वाळासा लॉकुर सम्सतार; लेकीन नीम्द बारा दा संयम हुडुतान, अदिक चाहासालुन कि यावारा नाश आगुल, बल्‍की ईद कि सप्पा मुंदरी मन फिराव इन मवका सिकुल.

10 ✝ ३:१० मत्ती २४:४३; लूका १२:३९; १ थिस्सलुनीकि ५:२; प्रकाशितवाक्य १६:१५ लेकीन प्रभु उन दिन काळ्ल उन घाई होट बंदीत, आ दिशी आकाश हापाळ गर्जना अन सांगुळ अदृश्य आगेदीत, अदिक आकाश इन पुरा चिजगोळ होतकु नाश आगेदव अदिक पृथ्वी अदिक अदुर दाकळव सप्पा मातगोळ गायब आगेदव. 11 जब कि ईव सप्पा वस्तुगोळ ई रीति देल नाश आगावाळा आव, रा नीमी याता प्रकार इन लॉकुर आग पायजे? नीम्द जीवन पवित्र अदिक परमेश्वर उन दी समर्पित आगली पायजे, 12 अदिक परमेश्वर उन आ दिशी इन हादी याता रीति देल काय पायजे अदिक आऊन जल्दी बरोद साटी ह्यांग कोशिश माळ पायजे, यदुर कारण आकाश बेक्‍की देल नाश माळकु आदीत, अदिक आकाश इन पुरा वस्तुगोळ गरमी देल पिघलुसेव. 13 ✝३:१३ प्रकाशितवाक्य २१:१लेकीन आऊन वादा अन अनुसार नाव ऊंद व्हाशोद आकाश अदिक व्हाशोद पृथ्वी इन आस नोळतेव यदुर दा न्याय वास माळीत.