प्रकाशितवाक्य 14

मेमना अदिक अदुर लॉकुर

1 ✝ १४:१ प्रकाशितवाक्य ७:३ बाक ना नजर माळदीन, अदिक नोळी, आ म्यांडा अन्द पाड्डा सिय्योन पहाळ मा नीदुरकु आद, अदिक अदुर सांगुळ ऊंद लाख चौवालीस हजार मुंदुर आर, यार ह्याणा मा आऊन अदिक आऊन आप्प उन हेसुर लिख्सकु आद. 2 अदिक स्वर्ग टु नानी ऊंद हिंग शब्द केळ बत्‍त जो नीर इन हापाळ धारागोळ अदिक बळा गर्जन इन शब्द ईरोद, अदिक जो शब्द ना केळदीन अद हिंग ईरोद मान्सी वीणा मुरसावाळेर वीणा मुरसेत्यार. 3 आंदुर सिंहासन इन मुंद अदिक नाकु प्राणीगोळ अदिक स्याणागोळ्द मुंद ऊंद व्हाशोद हाळ हाळोर. आ ऊंद लाख चौवालीस हजार लॉकुरी बिटकु, जो पृथ्वी मा टु कोंडकु आगीदुर, यारू आ हाळ इक कलु ईला सकोर. 4 इंदुर आंदुर उर जो आर्तेर सांगुळ अशुध्द आगीदील, पर कुवारा आर; इंदुर आंदुरा उर कि येल्यारा म्यांडा अन्द पाड्डा होगतद, अऊर आऊन हिंद आगेगतार; इंदुर रा परमेश्वर उन निमित्त पयला फल आगोर साटी मंळसागोळ दा टु कोंडकु आग्यार. 5 आंदुर बाय दा टु यागलु ख्वाटा मात होटीदिल, आंदुर निर्दोष आर.