प्रकाशितवाक्य 20

आखरी न्याय

11 बाक ना ऊंद धोळ बिळीद सिंहासन अदिक आऊक, जो अदुर मा कुर्तकु आन, नोळदीन; आऊन मुंद टु पृथ्वी अदिक आकाश ओळेदव, अदिक आंदुर साटी जागा सिकिदील. 12 बाक ना स्याणेर धोड्डेर सब सोतकु मंळसागोळ इक सिंहासन इन मुंद नीदुरकु नोळदीन, अदिक किताबगोळ खोल्सकु आदव; अदिक बाक ऊंद मात्‍त किताब खोल्सकु आत, मतलब जीवन इन किताब; अदिक ह्यांग आ किताबगोळ दा लिख्सकु ईरोद, हांग अच आंदुर क्याल्सागोळ्द अनुसार सोतकु मंळसागोळ्द न्याय माळकु आत. 13 समुद्र आ सोतकु मंळसागोळ इक जो अदुर दा ईरव कोट बुळ्त, अदिक मृत्यु अदिक अधोलोक आ सोतकु मंळसागोळ इक जो अदुर दा ईरव कोट बुळ्त; अदिक आंदुर दा टु हर ऊंद मंळसा अक आंदुर क्याल्सागोळ अन्द अनुसार आंदुर न्याय माळकु आत. 14 मृत्यु अदिक अधोलोक बेक्‍की इन झील दा हाक्‍कु आदव. ईद बेक्‍की इन झील दुसरा मृत्यु हुन; 15 अदिक यारदारा हेसुर जीवन इन किताब दा लिख्सकु सिकतीदील, आव बेक्‍की इन झील दा हाक्‍कु आदुन.