5 येन नीव आ प्रोत्साहन इन शब्दगोळी, यारी परमेश्वर तान चिकोर सम्सकु नीम से अंदुन, येन नीव मारतोगीर? "हे नान पारा, याग परमेश्वर नीनी सुधरूस्यान आग ध्यान हच, अदिक याग आव नीन ताळना माळ्यान रा हताश आगबाळ. 6 यतिकी प्रभु यार से प्यार माळतान, आऊक सुधरूस्तान भी, अदिक यारी पार माळ कोमतान, आऊक दण्ड भी कोळतान."

7 नीव दुख इक ताळना सम्सकु सहन माळकोमी; परमेश्वर नीमी पार जान्सकु नीम सांगुळ बर्ताव माळतान. हिंग याता पार हुन जो आप्प उन द्वारा सजा भोगसालुन? 8 अगर अद ताळना यदुर भागी सप्पा आगतार, नीम्द आगीदील रा नीव आऊन चिकोर आल्लच, लेकीन नीव घटिया मंळसा आईर. 9 बाक याग कि नाम शारीरिक आप्प भी नाम ताळना माळतोगोर अदिक नाव आंदुर्द आदर माळदेव, रा येन नाव आत्मिक आप्प उन यक्कुल हात्‍ती आगकु जीवन ईला बीतुसेव.