João 12

यरूशलेम दा विजय-प्रवेश

12 दुसरा दिशी हापाळ सा लॉकुर जो हाब्ब दा बंदीदुर ईद केळदुर कि यीशु यरूशलेम दा बरेत्यान. 13 इदुरसाटी आंदुर खजुर इन डगालगोळी हुळदुर अदिक आऊन से भेंट माळोर साठी होट्टुर, अदिक कारूली कुरतुर, "होशाना*१२:१३ प्रभु अन्द जय! धन्य इस्त्राएल ईनव राजा, जो प्रभु उन हेसुर देल बरतान."

14 याग यीशु उक गधा अन्द पाड्डा सिक्त; रा आव अदुर मा कुरतुन, ह्यांग शास्त्र दा लिख्सकु आद,

15 "हे सिय्योन इन पोरी, अंजबाळ;

नोळ, नीन राजा

गधा अन्द पाड्डा मा येरकु नीन हात्‍ती बरेत्यान."

16 आऊन चेलागोळ ई मातगोळी पयले सम्स सकिदील, लेकीन याग यीशु उन महिमा प्रगट आत रा आंदरी याद बत्‍त कि ई मातगोळ आऊन बारा दा लिख्सकु ईरोव अदिक लॉकुर आऊन से ईदा प्रकार इन व्यवहार माळीदुर. 17 आग भीळ इन आ लॉकुर गवाही कोट्टुर, जो आ समय आऊन सांगुळ ईरोर याग आव लाज़र उक कब्र दा टु कारूकु सोत्‍तुर दा टु जित्‍ता माळदुन. 18 ईदा कारण लॉकुर आऊन से मुलाकात माळली बंदीदुर यतिकी आंदुर केळीदुर कि आव ईद आश्चर्यकर्म तोरस्यान. 19 आग फरीसीगोळ आपस दा अंदुर, "सोची रा सही कि नीम से येनु बनसाल. नोळी, दुनिया आऊन हिंद आगेत्याद."