यूहन्ना 15

यीशु खरा दाखलता

1 "खरा दाखलता ना हुईन, अदिक नान आप्प किसान आन. 2 जो खांदी नान दा आद अदिक फलसाल्द, अदरी आव कळ्द बुळतान; अदिक जो फल्सतद, अदरी आव छाट्सतान ताकी अदिक फलसुल. 3 नीव रा आ वचन इन कारण जो ना नीम से अंदीन, शुद्ध आईर. 4 नीव नान दा बन्सकु ईरी, अदिक ना नीम दा. ह्यांग खांदी अगर दाखलता दा बन्सकु ईरतीदील रा तान तान देल फल्स सकाल्द, हांगा नीव भी अगर नान दा बन्सकु ईरतीदील रा फल्स सकालीर. 5 ना दाखलता हुईन: अदिक नीव खांदीगोळ हुईर. जो नान दा बन्सकु ईरतान अदिक ना आऊन दा, अद हापाळ काय तरतद, यतिकी नान से अलग आगकु नीव येनु माळ सकालीर.