यूहन्ना 3

3 यीशु आऊक उत्‍तर कोट्टुन, "ना नीन से खरा खरा अनतीन, अगर यावारा व्हाशोद रीति देल पैदा आगालुन रा आव परमेश्वर उन राज्य नोळ सकालुन."

4 नीकुदेमुस यीशु उक अंदुन, "मंळसा याग हाळाबाट आगेदुन, रा ह्यांग पैदा आग सकतान? येन आव तान मोय इन गर्भ दा दुसरा घन प्रवेश माळकु पैदा आग सकतान?"

5 यीशु उत्‍तर कोट्टुन, "ना नीन से खरा खरा अनतीन, यागासताका यावारा मंळसा नीर अदिक आत्मा देल पैदा आगालुन आगासताका आव परमेश्वर उन राज्य दा प्रवेश माळ सकालुन. 6 यतिकी जो मय देल पैदा आग्याद, अद मय हुन; अदिक जो आत्मा देल पैदा आग्याद, अद आत्मा हुन. 7 अचम्भा माळबाळ कि ना नीन से अंदीन, ‘नीनी व्हाशोद रीति देल पैदा आगोद जरूरी आद.’ 8 हवा यात चाहासतद आत नळुतद अदिक नी अदुर्द शब्द केळत्या, लेकीन अरू सकाल कि अद यातु टु बरतद अदिक यात होगतद? जो यावारा आत्मा देल पैदा आग्यान आव हिंग अच आन."