Lucas 5

18 आ समय हापाळ लॉकुर ऊंद मंळसा अक जो लकवा अन्द रोगी ईरोन, व्हर्स मा नेगुकु तंदुर, अदिक आंदुर आऊक बुळ्क वयली अदिक यीशु उन मुंद ईटोद उपाय ढुढ़सोर. 19 पर याग भीळ इन कारण आऊक बुळ्क वोय सकिदील रा आंदुर मान्ना मा येरकु अदिक खपरेल सरकुसकु, आऊक व्हर्स सांगुळ न्याड्या दा यीशु उन मुंद ईळ्स बुटुर. 20 आग यीशु आंदुर विश्वास नोळकु आऊन से अंदुन, "हे मंळसा, नीन पाप माफ आदव."

21 आग नियम इन गुरु अदिक फरीसी तान तान मन दा विचार माळली कुरतुर, "ईव याव हुन? जो परमेश्वर उन अपमान माळतान! परमेश्वर उक बिटकु अदिक याव पापगोळी माफ माळ सकतान?"

22 यीशु आंदुर मन इन मातगोळ जान्सकु, आंदुर से अंदुन, "नीव तान तान मन दा याता मात इन विचार माळेतीर? 23 आसान येन आद? येन ईद अनोद कि ‘नीन पाप माफ आदव,’ या ईद अनोद कि ‘येळ अदिक टेटाळ?’ 24 लेकीन इदुरसाटी कि नीव जान्स कोमी कि ना मंळसा अन पार उक पृथ्वी मा पाप माफ माळोद भी अधिकार आद." बाक यीशु आ लकवा अन्द रोगी से अंदुन, "ना नीन से अनतीन, येळ अदिक तान व्हर्स नेगुकु तान मान्नी होटोग."

25 आव तुरन्त यीशु ऊंद मुंद येद्दुन, अदिक या व्हर्स मा आव बिदकु ईरोन अदरी नेगुकु, परमेश्वर उन बळाई माळतेला तान मान्नी होटोदुन.