मरकुस 10

कुढ्ढ बरतिमाई इक कण्ण इन ज्योत कोळोद

46 बाक यीशु अदिक आऊन चेलागोळ यरीहो दा बंदुर, अदिक याग आव अदिक आऊन चेलागोळ ऊंद धोळ्द भीळ इन सांगुळ यरीहो दा टु होगोर, आग ऊंद कुढ्ढ भिखारी, यार्द हेसुर तिमाई नव पार बरतिमाई ईरोद, सळक इन किनारा मा कुर्तकु ईरोन. 47 आव ईद केळकु कि यीशु नासरी हुन, कारू-कारूकु अनली कुरतुन, "हे दाऊद उन पारा यीशु नान मा दया माळ!"

48 आग हापाळ मुंदुर आऊक दनकुसदुर कि सुंगा ईर. पर आव यक्कुल जोर देल कारूली कुरतुन, "हे दाऊद उन पारा नान मा दया माळ!"

49 आग यीशु निदुरकु अंदुन, "आऊक कारी." अदिक लॉकुर आ कुढ्ढ मंळसा अक कारूकु आऊन से अंदुर.

हिम्मत ईट, येळ! आव नीनी कारेत्यान!

50 आव तान कपळा भिटकु तुरन्त येद्दुन, अदिक यीशु उन हात्‍ती बंदुन.

51 इदुर मा यीशु आऊन से अंदुन, "नी येन चाहासत्या कि ना नीन साटी माळाईन?"

कुढ्ढ मंळसा आऊन से अंदुन, "हे गुरु, ना पयले घाई नोळोद चाहासतीन."

52 यीशु आऊन से अंदुन, "होटोग, नीन विश्वास नीनी वळ्लीद माळबुटाद."

आव तुरन्त नोळली कुरतुन, अदिक हादी मा आऊन हिंद आगेदुन.