Marcos 4

यीशु आँधी इक शांत माळदुन

35 अदा दिशी द्यावगा अक, यीशु तान चेलागोळ से अंदुन, "बरी, नाव झील इन आप्पाटी होगाता." 36 आंदुर भीळ इक बिट्टुर, याता ड्वांगा दा यीशु ईरोन अदा ड्वांगा मा चेलागोळ भी बंदुर अदिक यीशु उक तान सांगुळ झील इन आप्पाटी ओतुर; अदिक अल आऊन सांगुळ, मात हापाळ सा ड्वांगा भी ईरव. 37 अचानक आग ऊंद भयानक आँधी बत्‍त, अदिक लयरगोळ ड्वांगा देल टकरूसली हत्‍त ईल ताका कि नीर ड्वांगा दा तुमली हत्‍त. 38 अदिक यीशु ड्वांगा अन्द हिंदळोद भाग दा ऊसी मा ताल्ला ईटकु मिंगोन. अदिक आंदुर आऊक येब्सदुर अदिक अंदुर, "हे गुरु, येन नीनी चिन्ता हैलेच कि नाव मुळ्केतेव?"

39 आग यीशु यदकु आँधी अक दनकुसदुन, अदिक लयरगोळ से अंदुन, "शांत आगेग, थाम्सेग!" अदिक आँधी थामसेत अदिक नाकु दी हापाळ सन्नाटा आगेत. 40 अदिक यीशु तान चेलागोळ से अंदुन, "नीव येती अंजेतीर? येन नीमी ईगासताका विश्वास हैलेच?"

41 अदिक चेलागोळ हापाळ अंजेदुर अदिक आपस दा अनली कुरतुर, "ईव मंळसा याव हुन ईल ताका कि आँधी अदिक लयरगोळ भी ईऊन आग्या मान्सताव?"