Mateus 17

यीशु उन रूप बदलुसोद

1 आर दिन इन बाद्दा यीशु पतरस अदिक याकूब अदिक आऊन वार्ट यूहन्ना अक सांगुळ हुळदुन, अदिक आंदरी आबना दा यातोदारा ऊँचा पहाळ मा ओतुन. अदिक आंदुर अलावा अल याऊ ईला ईरोन. 2 अल आंदुर्द मुंद यीशु उन रूप बदलुसेत, अदिक आऊन बाय सुर्य अन्द घाई चमकुस्त अदिक आऊन कपळा ज्योत इन घाई उजुळ आगेदव. 3 अदिक मूसा अदिक एलिय्याह आऊन सांगुळ मातगोळ हेळतेला आंदरी कांळ्सदुर. 4 इदुर मा पतरस यीशु से अंदुन, "हे प्रभु, नाम ईल ईरोद ठीक आद. अगर नीन इच्छा आद रा ना इल मुर हांद्रा माळाईन; ऊंद नीन साटी, ऊंद मूसा अन साटी, अदिक ऊंद एलिय्याह अन साटी."

5 ✝ १७:५ मत्ती ३:१७; १२:१८; मरकुस १:११; लूका ३:२२ ✝ १७:५ २ पतरस १:१७,१८ यीशु माताळतेला अच ईरोन कि ऊंद उजला बादल आंदरी झाक्स बुळ्त, अदिक आ बादल दा टु ईद शब्द होळ्त: "ईव नान प्रिय पार हुन, ईऊन से ना खुश आईन: ईऊन केळी."