Mateus 9

2 अदिक नोळी, हापाळ लॉकुर ऊंद लकवा अन्द रोगी इक व्हर्स मा मिंग्सकु आऊन हात्‍ती तंदुर. यीशु आंदुर विश्वास नोळकु, आ लकवा अन्द रोगी से अंदुन, "हे पारा, हिम्मत ईट; नीन पाप माफ आदव."

3 इदुर मा हापाळ शास्त्रीगोळ माताळली कुरतुर, "इव रा परमेश्वर उन अपमान माळतान."

4 यीशु आंदुर्द मन इन मातगोळी अरूकु अंदुन, "नीव लॉकुर तान-तान मन दा बुरा विचार येती माळेतीर? 5 आसान येन आद? ईद अनोद, ‘नीन पाप माफ आदव,’ या ईद अनोद कि, ‘येळ नळु अदिक टेट.’ 6 लेकीन इदुरसाटी कि नीव जान्स कोमी कि मंळसा अन्द पार उक पृथ्वी मा पाप माफ माळोद अधिकार आद." इदुरसाटी यीशु लकवा अन्द रोगी से अंदुन, "येळ, तान व्हर्स नेगु, अदिक तान मान्नी होटोग."

7 आग लकवा अन रोगी यदकु तान मान्नी होटोदुन.