परमेश्वर उन स्यावा अन जीवन
1 इदुरसाटी हे वार्टुरा अदिक आकतींगेरा, ना नीम से परमेश्वर उन दया याद तोर्सकु विनती माळतीन कि तान शरीर इक जित्ता, अदिक पवित्र, अदिक परमेश्वर उक संतोष कोळावाळा बलिदान माळकु येरसी. अगर नीम्द खरा उपासना आद. 2 ई दुनिया अन घाई आगबाळी; लेकीन नीम मन इन व्हाशोद आगदुर देल नीम चाल चलन भी बदलुसतेला ईरूल, यदुर देल नीव परमेश्वर उन भला, अदिक भावती, अदिक सिद्ध इच्छा अनुभव देल मालूम माळतेला ईत्तीर.
3 यतिकी ना आ अनुग्रह अन कारण जो नानी सिक्याद, नीम दा टु हर ऊंद मंळसा से अनतीन कि ह्यांग सम्स पायजे अदुर देल यक्कुल यावारा भी तान तान इक सम्सबाळुल; लेकीन ह्यांग परमेश्वर हर ऊंद मंळसा अक विश्वास परिणाम इन अनुसार वाट्स बुटान, हांग अच सुबुध्दि इन सांगुळ तान इक समसुल.