रोमियों 7

4 हांग अच हे नान वार्टुरा अदिक आकतींगेरा, नीव भी मसीह अन मय इन द्वारा व्यवस्था अन साटी सोतकु बनसेदीर, कि आ दुसरा अन आगेगी, जो सोत्‍तुर दा टु जित्‍ता आदुन: ताकी नाव परमेश्वर उन स्यावा दा उपयोगी ठहरुसुल. 5 यतिकी याग नाव शारीरिक स्वभाव इन हात्‍ती ईरेव, रा पापगोळ अभिलाषागोळ जो व्यवस्था अन द्वारा ईरोद, मृत्यु अन काय पैदा माळोर साटी नाम अंगगोळ दा क्याल्सा माळोद. 6 लेकीन यार्द बंधन दा नाव ईरेव आऊन साटी सोतकु, ईग व्यवस्था देल हिंग बिटोदेव, कि शास्त्र लेख इन हाळोद रीति मा ईला, उलटा आत्मा अन व्हाशोद रीति मा स्यावा माळतेव.