35 याव नामी मसीह अन प्यार देल अलग माळ्यान? येन क्लेश, या कठिन समय, या सताव, या अकाल, या गरीबी, या जोखिम, या मृत्यु? 36 ह्यांग शास्त्र दा लिख्सकु आद,

नीन साटी नाव हागुल तीम घात माळकु आगतेव;

नाव वध आगावाळा म्यांडागोळ घाई आळुकु आगेव.

37 लेकीन ई सप्पा मातगोळ दा नाव आऊन द्वारा याव नाम से प्यार माळ्यान, पुरा तरीका देल विजय प्राप्त माळेतेव. 38 यतिकी ना निश्चय जान्सतीन कि याऊ नामी आऊन प्यार देल अलग माळ सकालुन ना मृत्यु, ना जीवन, ना स्वर्गदूत, ना दुष्ट शासन, ना वर्तमान, ना भविष्य, ना सामर्थ्य, ना ऊँचाई, 39 ना धरती इन गहराई, अदिक ना धरती इन ऊंचाई अदिक ना संसार इन यातोदु निर्मित वस्तु नामी परमेश्वर उन प्यार देल जो नाम प्रभु मसीह यीशु दा आद, अलग माळ सक्‍कीत.