दुनिया से संगीपना
1 नीम दा लळाई झगळागोळ यल टु होटबंदव? येन ईद नीम इच्छागोळ देल आगाल्द जो नीम मय दा लळाई-झगळा माळताव? 2 नीव चाहासतीर, लेकीन नीमी सिकाल; इदुरसाटी नीव हत्या माळतीर. नीव पुरा रीति देल इच्छा ईटतीर, अदिक येनु हासिल माळ सकालीर; इदुरसाटी नीव लळाई अदिक झगळा माळतीर. जो नीव चाहासतीर नीमी सिकाल यतिकी नीव परमेश्वर से बेळालीर. 3 नीव बेळतीर लेकीन नीमी सिकाल, इदुरसाटी कि बेकार इच्छा माळकु बेळतीर, कि तान भोग-विलास दा हार्स बुळी. 4 हे विश्वासहीन लॉकुरा, येन नीव जान्सालीर कि दुनिया से संगीपना माळोद परमेश्वर से दुश्मनी माळोद हुन? जो यावारा दुनिया अन्द संगी आगोद चाहासतान, आव तान तान इक परमेश्वर उन दुश्मन माळतान. 5 येन नीव ईद सम्सतीर कि पवित्रशास्त्र बेकार अनतद, "याता आत्मा अक आव नाम बुळ्क घळुस्यान, येन अद हिंग लालसा माळतद यदुर्द प्रतिफल इर्ष्या आगुल?" 6 आव रा मात्त यक्कुल अनुग्रह कोळतान; ई कारण ईद शास्त्र दा लिख्सकु आद, "परमेश्वर अभिमानीगोळ्द विरोध माळतान लेकीन गरीबगोळ मा अनुग्रह माळतान."