2 Anayirha Yakobo mwene waabo Yohaana n’engoorho. 5 Oku Petero alangirwe omu munyororo, echigusho ch’abemeezi boowe baliiri bakomeza kumusaliirira bweneene emwa Nnamahanga.
12 Petero abeere amenya bwinja ebyabeere, agenda emwa Mariya, nyina wa Yohaana. Oyo Yohaana ye washembulwaga Mariko. Omu mwage mu bantu banene balichigushire n’ogusaliira Nnamahanga. 13 Petero abeere akongoorha oku lunvi lw’embuga, omukozi muguma w’omunyere oyirikwa Rooda ayegeera omulyango kubaza nde oli akongoorha. 14 Arhegeera omulenge gwa Petero, aliko ahaali h’okumuchinguulira, alibirha n’obushaguluke kuja kubwira abaabo oku Petero ali oku mulyango gw’embuga. 15 Nabo bamubwira ntya: «Ego munyere! Wasirehere!» Aliko Rooda agendekera kuderha ntya: «Neechi, yeewe maani!» Boowe baliiri bakomeza kuderha ntya: «Oyoola, ali malahika waage.»12.15 Omu nkengeero z’ekiyaahudi, ngasi muntu aligwerhe malahika waage w’okumulanga. Oyoola malahika aliiri ahulukira eyi agwerhe eshusho ly’oyoola muntu. 16 Aliko Petero agendekera gukongoorha oku lunvi. Baava bachinguula, banasoomerwa bweneene kumubona.