22 Израиль йох! Тӑм йасӈәт хуԓәнтаԓән: Иисус, Назарет вош хŏйат, Турәм эԓты нынана йурәӈ пӑ вантыԓԓаӈәԓ верәт пӑ йэмәӈ посәт сӑхат ватәԓтәм Ху, щитәт Турәм Ԓўв мŏхтэԓ нын кўтәнән верәс, хŏты нын щи уйәтԓәԓән,

23 Тӑми, Турәм нŏмәс пӑ йэԓпи вантәм вер хўват мийәм Ŏт, нын ўсԓән пӑ, Турма ӑт эвәԓты хŏйатәт йошән картԓўкән пернайа сэкман, веԓсәԓән;

24 Туп Турәм , сŏрәм мухләт лакки мӑшман, Ԓўвеԓ нŏх ԓыԓӈатсәԓы, сŏрәм Ԓўвеԓ иԓ катәԓты ӑт верәтсәԓы, щишән.