36 Щи кўтән, йэԓԓы мӑнтан эԓты, ԓын йик ԉэпа йŏхәтсәтән; пӑ евнух ики йастәс: «Тӑта щи йик; мӑнэма нӑӈ эԓтэн йиӈка ԓŏӈәԓтыты мўй тŏрас верәԓ?»

37 Филипп пӑ ԓўвеԓа йастәс: «Сӑмен ԓоватән эвәԓԓән ки, рӑхәԓ». Ԓўв йŏхԓы йастәс: «Эвәԓԓәм, Иисус Христос – щит Турәм Пŏх».

38 Щӑԓта ухәԓ иԓ вŏԓыты партсәԓы, пӑ , Филипп пӑ евнух ики кинәӈтак йиӈка ŏхәԓсәтән; пӑ ԓўвеԓ йиӈка ԓŏӈәԓтысԓы.

39 Хун пӑ ԓын йик эԓты ким этсәтән, Йэмәӈ Ԓыԓ евнух ики эԓты эсԓәщәс, Филипп пӑ Турәм Куща ангелән аԓэмәса, пӑ евнух ики ԓўвеԓ ўш ӑт ватсәԓы, пӑ, амәтман, йушәԓ йэԓԓы мӑтсәԓы.