3 Мŏԓты кўт хӑщәман, Каин энмәԓтәм лэвпәсԓаԓ эԓты Турәм Кущайа мойԓәпса тус,
4 Авель ищи, мет оԓәӈ пўш опсәм войԓаԓ пӑ щи войԓаԓ вŏй мойԓәпсайа тусԓы. Турәм Куща Авель пеԓа пӑ ԓўв мойԓәпсайԓаԓ пеԓа йӑм сэмән вантәс,
5 Каин пеԓа пӑ ԓўв мойԓәпсайԓаԓ пеԓа йӑм сэмән ӑт вантәс. Каин ԉикән йŏхәтса пӑ вешәԓ ԉик эԓты питыйа йис.
6 Щӑԓта Турәм Куща Каина йастәс: «Мўйа нӑӈ ԉикән йŏхәтсайән? Мўйа веншен па хŏрпийа йис?
7 Йӑм верԓән ки, вещкат вешән ватԓән. Атәм верԓән ки, ов пўӈԓэнән кӑрэк ŏԓәԓ, ԓўв нӑӈен кӑлщәԓтԓәԓы, нӑӈ пӑ ԓўв нўмпеԓән йурәӈа уԓа».