4 Туп Турәм Куща щарәсән так вот этәԓтәс, вот шек тарма йис, паршәӈ хоп шўкаԓәты кема йис.
5 Хопәӈ хŏйатәт пӑԓтамәсәт, пӑ кашәӈ хŏйат ԓўв турмәԓ пеԓа пойәкщәс, пӑ пŏрмасԓаԓ йиӈка йовәԓты питсәԓаԓ, хоп йэша кенашәк верты урәӈән; Иона пӑ хоп ԓыпийа, ŏхәԓмаԓ йўпийән, иԓ ŏԓәс пӑ такан вŏйәпса.
7 Хŏйатәт кўтԓаԓән йастәсәт: «Пос йўвәтԓув, ватԓэв, хŏй урәӈән мўӈ тӑмәщ шук туԓув». Пӑ пос йўвәтсәт, ин пос Иона пеԓа аԉәс.
9 Ԓўв йастәс: «Ма еврей, щарәс пӑ мўв опсәԓтәм Турәм Куща йэԓпийән шаншэм иԓ эсәԓԓэм».
12 Щи йўпийән ԓўв щиты йŏхԓы йастәс: «Мӑнэм ўйаԓән пӑ щарса йўвтаԓән, щӑԓта щарәсән нын урӈәнән тэвна йиԓ, ма уйәтԓэм, ма ўрӈемән нын тӑм так вот шук ватԓәты».
15 Иона ўсэԓ пӑ йиӈка йўвәтсэԓ, щӑԓта щарәсән тэвна йис.
16 Щиӈәԋща щи хŏйатәт Турәм Куща эԓты шек пӑԓтамәсәт, пӑ Турәм Кущайа йир тусәт пӑ йастәпса мӑсәт.