Lucas 14

Шаббат хӑтәԓ эԓты уԓты утәԓтәпса

1 Имŏԓты шаббат хӑтәԓән Ԓўв фарисейәт эԓты уԓты и куща хота ԓэтыйа йŏхтәс, ԓывәт пӑ Ԓўвеԓ эԓты ватман тӑйсэԓ.

2 Ин щӑԓта, Ԓўв йэщаԓтәԓ йикән пўвԓәптәм муш тӑйты хŏйат этәс.

3 Тӑм вер эԓты Иисус Закона утәԓтәты икет пӑ фарисейәт иԋщәсәс: "Шаббат хӑтәԓән йӑмәԓты рӑхәԓ мўй ӑнта?"

4 Ԓыв мӑшйайән усәт. Ԓўв мушәӈ хŏйат хŏща хӑнәмтыман йӑмәԓтсәԓы пӑ эсәԓсәԓы.