Ушиԓыйәм пŏх эԓты утәԓтәты пŏтәр
11 Иисус йэԓԓы пŏтәртәс: "И хŏйат кӑт пŏх тӑйәс;
12 айшәк пŏхәԓ ащеԓ пеԓа йастәс: "Ащи! Ма йўкан хот уԓпәсэм мӑнэма мийи". Щӑԓта ащанән хот уԓпәсэԓ ԓынана ортса.
13 Кӑмәтса хӑтәԓ хӑщәм йўпийән, ай пŏхәԓ мŏԓтыԓаԓ иса ӑкәтмаԓ йўпийән, хўв мўва мӑнәс пӑ щита ԓўв йўканәԓ, уԉԋайа уԓман, посатсәԓԓы.
20 Нŏх ԓойәс пӑ ащеԓ хŏща мӑнәс. Хун ԓўв хŏԓна йэԓән йўвмаԓән, ащеԓән шийаԓәса пӑ щаԉәтса; щӑԓта, ащеԓ йэщаԓт хухәԓмәман, сапԓәԓа ӑпәԓмәс пӑ ԓўвеԓ мосәԓтәсԓы.
22 Ащеԓ пӑ митйохԓаԓ пеԓа йастәс: "Мет йӑм ԓумәтты сŏх тўваты пӑ ԓумәттаԓән, пӑ йошәԓа веншәӈ ԓуйәт, кўрԓаԓа пӑ ԓумтәм мийаты;
24 Пӑ хŏты, тӑм пŏхем пӑрман ус пӑ нŏх ԓыԓәӈԓәс, ушман ус пӑ уйәтса". Щӑԓта ԓыв каш верты питсәт.