12 айшәк пŏхәԓ ащеԓ пеԓа йастәс: "Ащи! Ма йўкан хот уԓпәсэм мӑнэма мийи". Щӑԓта ащанән хот уԓпәсэԓ ԓынана ортса.
13 Кӑмәтса хӑтәԓ хӑщәм йўпийән, ай пŏхәԓ мŏԓтыԓаԓ иса ӑкәтмаԓ йўпийән, хўв мўва мӑнәс пӑ щита ԓўв йўканәԓ, уԉԋайа уԓман, посатсәԓԓы.
14 Хун ԓўв йўканәԓ хŏԓ ԓэсԓы-тӑйсәԓы, щи мўвән ун ԓэԓԓы пŏрайа йис, пӑ ԓўв нўшайа питәс;
16 ԓўвеԓән пурәщ ԓэтŏтән сӑмәԓ вŏԓԓәтты ԓуԓән амәт ус, туп нэмәԓты хŏйатән щитән хŏԓна ӑт мийԓыса.
17 Нŏпсәԓ нумәԓмимаԓән, йастәс: 'Мўй арат митйох ащем хŏща мŏԓтас ԓэтәт тӑйԓәт, ма пӑ ԓэԓԓы тӑта щи хӑԓԓәм;
18 нŏх ԓойԓәм пӑ ащем хŏща мӑнԓәм, ԓўвеԓа йастәԓәм: Ащийэ! Ма турма пӑ нӑӈена кӑрэк версәм
20 Нŏх ԓойәс пӑ ащеԓ хŏща мӑнәс. Хун ԓўв хŏԓна йэԓән йўвмаԓән, ащеԓән шийаԓәса пӑ щаԉәтса; щӑԓта, ащеԓ йэщаԓт хухәԓмәман, сапԓәԓа ӑпәԓмәс пӑ ԓўвеԓ мосәԓтәсԓы.