Lucas 2

Иисус сэма пайәтса

1 Щи хӑтԓәтән Август нэмпи кесарь ики йасәӈ китәс, Ԓўв мўвәԓ ԓŏватән уԓты хŏйатәт нэпека ат хӑшсайәт.

2 Щит мет оԓәӈ хŏйат ԓӑт щирән хӑншәпса ус. Щи пŏрайән Сирия мўвән Квириний нэмпи куща ус.

3 Нэпека пайтәсты кеша кашәӈ хŏйат ԓўв йŏра вошәԓа мӑнәс.

4 Щи урәӈән Иосиф па Галилея мўвән омәсты Назарет вош эԓты, Иудея мўва Давид ики воша, Вифлеема, мӑнәс. Ԓўв Давид хот пӑ рут эԓты ус,

5 ԓўв, нэпека питты урәӈән, Мария пиԓән мӑнәс. Мария ԓўвеԓа уртыса пӑ щи пŏрайән ԓавәртан ус.