Ангеләт вой шавиты хŏйатәта Иисус эԓты амәт айкеԓ тусәт
8 Щи ԉэпән, мўв хӑрән вой тащ шавиты икет ат ԓавәԓман усәт.
9 Турәм Куща ангел ԓыв йэщаԓтэԓ этмәс пӑ Турәм Куща йэмәӈ нŏвийән ԓыв нŏх xутԓәптысайәт; ԓыв шек пӑԓтамәсәт.
10 Туп ангел ԓывиԓаԓа йастәс: "Аԓ пӑԓаты! Ма нынана амтәтԓыты ун айкеԓ туԓәм, щи амәт иса тӑм мўв хŏйатәта уԓты питәԓ:
11 тӑм ат Давид вошән нынан Ԓыԓ Этәԓтәты Ŏт – Христос, Турәм Куща сэма питәс;
12 тӑта щи нынана пос: вой ԓапәтты хŏшапән йŏвәртәм Ԋаврэмийэ уйәтԓәты".
13 И щишән ангел пиԓән аратәԓ турәм ԉаԉ йоx йŏхәтсәт, Турәм ишәкԓәт пӑ такан йастәԓәт:
14 "Турма нумән ишәк йасәӈ! Пӑ мўвән пайԓы уԓәпса, хŏйатәт xŏща йӑм!"