Lucas 5

Ԓайӈәӈ ԋўлмәӈ хŏйат сыстапты щир

12 Хун Иисус и мŏԓты вошән уԓмаԓән, ԓŏватәԓән ԓайӈәӈ ԋўләмән этәм хŏйат йŏхтәс. Щӑԓта, Иисус шийаԓәмаԓ кемән, Ԓўв йэԓпеԓән хŏмта шаншантәс пӑ, пойәкман пŏтәртәс: "Йэшәк Турәм Куща! Кашен уԓ ки, верәтԓэн мӑнэм Нӑӈ нŏх сыстапты".

13 Иисус йошәԓ йэԓ шӑшсәԓы, ԓўв хŏщайәԓа хӑнәмтыйәс пӑ йастәс: "Ԓӑӈхаԓайәм, сыстама йўва!" Ищи мŏхты ԓайӈәӈ ԋўләмԓаԓ йӑма йисәт.