Lucas 7

Икиԓы хӑщәм нэ пŏх нŏх ԓыԓӈатты вер

11 Щи йўпийән Иисус Наин нэмпи воша мӑнәс; ар пеләк утәԓтәты йŏхԓаԓ пӑ тэԓыйэ хŏйат Ԓўв пиԓәԓән шушсәт.

12 Хун Ԓўв вош пушас ова вана йŏхтәс, вош эԓты пӑрәм хŏйат ким этәԓтәса, икиԓы хӑщәм ими туп тӑйәм и пŏхәԓ ус. Ши ими пиԓән вош эԓты ар хŏйат шушәс.

13 Ими шийаԓәмаԓ кемән, Турәм Куща сӑмәԓ хощты питәс, щаԉа ўсԓы пӑ ԓўвеԓа йастәс: "Аԓ хоԓԓа!"

14 Вана шушман, Иисус ԓэԓтŏта йошәԓән хӑнәмтыйәс; ӑпа тўвәм мŏхет иԓ ԓойсәт. Щӑԓта Иисус йастәс: "Энәмты пŏх, нӑӈена йастәԓәм, нŏх ԓойа!"

15 Пӑрәм пŏх нŏх опсәс пӑ пŏтәртты питәс; Иисусән ԓўв аԋԏеԓ йоша катԓәптәса.

16 Хŏйатәт пӑԓщәмән йŏхәтсайәт, пӑ ԓыв Турәм вŏԓаӈа айәԓтты питсәт, пŏтәртԓәт: "Вŏԓаӈ, ун Турәм йасәӈ туты хŏйат этәс, мўӈ кўтэвән уԓ! Турәм мирәԓ хŏща ԋотты йŏхтәс!"

Иоанн иԋщәсты пеԓа йŏхԓы йастәты йасӈәт

17 Тӑмәщ айкеԓ Ԓўв эԓтэԓ Иудея мўв ԓŏвата пӑ керәтман иса лакки ԓӑрпиԓәс.