Lucas 17

Tabüñ naw a í nülvo

11 Sünda ana da, Jisu Yarusalem jiw ge Samariañe Galili ñetrü yo jipseañe ji. 12 Sünda ñetrü a ge jimyongkoi ge í südzüm ĝü ĝoĝo nadaw na tüva, dju na üĝa gudzudama. 13 Sünda i üĝa ge gudzüñe, gó yo che, "He Jisu, he dadrüwa, no nülvojo dawe!" 14 Jisu i í hoñe che, "Jebe; sünda bá nudzo í mügaw ná shejo dawe." Seyo kabyo-kaĝyowñe güdrajebi. 15 Sündawñe namko yo a ye hoñe dagyolagdabi, gow yo Tawgyew í troñe katrükralye. 16 Seyo Jisu ishitrüge gaañe ukrumro yo ishi ge drüñe, ulvyu yo uw che; sünda í nüna uw. 17 He íbo Jisu i che, "Haña na ĝü güdraw malyama, nameje se sütü ye hanga? 18 Haña he tuĝuda-ĝuvodzü í tralyeñe dju ñimma Tawgyew í trojo?" 19 Sündawñe i í che, "Gudzuñe kabi; ba veksüw ye bá dagyodamme."