25 והנה איש היה בירושלים ושמו שמעון והוא איש צדיק וחסיד מחכה לנחמת ישראל ורוח הקדש היה עליו׃
26 ולו נגלה ברוח הקדש כי לא יראה מות עד ראותו את משיח יהוה׃
27 ויבא ברוח אל המקדש ויהי כאשר הביאו הוריו את הנער ישוע לעשות עליו כמשפט התורה׃
28 ויקחהו על זרעותיו ויברך את האלהים ויאמר׃
29 עתה תפטר את עבדך כדברך אדני בשלום׃
30 כי ראו עיני את ישועתך׃
31 אשר הכינות לפני כל העמים׃
32 אור לגלות עיני הגוים ותפארת ישראל עמך׃