Lucas 10

Wunni tulat na?

25 Na niifa sǝ tǝ sǝn ɗeleewar tǝ chireelth na Musa, ishgha sǝ ƙǝt nǝn a ƙǝƙǝrang nda Yeeso. Ndanggǝn, "Mala, ni naarha ƙǝn na a wal yibrha ni mbuwa ngwalarha?"

26 Ndangga Yeeso, "Mani chirethleng nanda hai ahur ɗeleewar ɗi? Na karataghǝn ƙǝƙǝn?"

27 Nggǝmanggǝn, "Nggǝmu Chinǝm na Faara tǝ hurwa heu, tǝ yiɓǝd wa heu, tǝ kanglanggid wa heu, tǝ huten wa heu. Nggǝmu tulat wa ƙǝla alten wa."

28 Ndangga Yeeso, "Nggǝmangna mǝmǝl, ǝno kee na wal yibrha."