Falafya tǝ Fathlǝngya Chinem
8 A ƙǝsǝr talɗi na fa lafya sǝ, na nda mǝnda a pǝpal, na nda a ƙǝla maɓiyindan ha a fǝɗigrha. 9 Kula sǝndǝndan sǝ, tǝ thlǝnda Faara ɓagha thlǝmandan ɓa, tǝrgha mamnggit Faara yangga hai, tǝrmanda kaan. 10 Tǝrgha, wan thlǝndǝɗi ndanggǝn kanda, "A tǝrǝm ɗun wa ɓa ni ɓa tǝ laɓara na mbǝnggǝn yanɗi na fiya heu ana pǝpetyid hura kaan. 11 A weeriya ahur tal Ndauda nggǝɗang nda tǝ Hǝrǝkrha kun hai, Ƙǝrǝsti Chinǝm. 2:11Ƙǝrǝsti Nduwa Ƙǝrǝsti Ibraniyaya na nda aaghǝn, "Mashiha," Helenaya ƙǝm na nda aaghǝn, "Ƙǝrǝsti." Ƙǝrǝsti ɗiya, ndaarha ni, "Niifa na wuwura," tǝ ƙǝm mbǝdghǝn 26. 12 Ənɗiya ndǝna a kyaɗang ǝnsǝnda kun, ɗunun wal wufarwee lǝlǝɓang nda tǝ pam ƙǝndǝghǝn, hunang nda hai ahu nggama." 13 Kula sǝndǝndan sǝ, tǝrgha Fathlǝngya Faara hangga na a amshi, ɓanda hai, ɓa nda wal yanɗi ˈwagha hai, kanda heu a fal Faara nanda a ndaarha,
14 "Mamnggit Faara na talara,
tǝ na hu ƙǝshiirha ngwa tsauka ɗǝɗemnggirha a thlǝma nafiya na Faara a tǝk mbǝndǝ ndan fa."