1 Hanʉ rwahikirɨ urusikʉ rwa Pɨntɨkʉsitɨ,*2:1 Pɨntɨkʉsitɨ yaarɨ ni-sigukuru ya amagesa ga Abhayaahudi. Naatu yaarɨ ni sikʉ 50 kwɨma Ɨpasaka. Rora Abharaawi 23:15-22. abhaatʉ bhʉʉsi bhanʉ bhiisiriiryɨ Yɨɨsu bhaarɨ bhiibhiringirɨ hamwɨmwɨ. 2 Kɨtʉkɨrʉ, rɨkahʉrʉka riraka ncha ryʉ ʉmʉkama ʉmʉhaari kurwa mwisaarʉ, rikiizurya inyumba yʉʉsi yɨnʉ bhaarɨmu. 3 Bhakarora ebhegero bhɨnʉ bhyarɨ ncha zɨndɨmɨ zo omorero, bhɨkanyaragana na kwikara igʉrʉ wa bhʉʉsi. 4 Abhaatʉ bhayo bhʉʉsi bhakiizuribhwa Ekoro Ɨndɨndu, bhakatanga kʉgamba kʉbhɨgambʉ ɨbhɨndɨ, chɨmbu Ekoro Ɨndɨndu yabhanagiryɨ kʉgamba.

5 Yɨrusarɨɨmu hayo, bhaareho Abhayaahudi bhanʉ bhaarɨ bharasengera Mungu, kurwa mʉzɨɨsɨ zʉʉsi.*2:5 Kwibhaga riyo Abhayaahudi bhaaru bhaarɨ bhanyaragɨɨnɨ kʉzɨɨsɨ ɨzɨndɨ.