17 Hanʉ abhaatʉ bhakʉbhakorera amabhɨ, mʉtarɨhanʼya amabhɨ. Nawe mwangarɨrɨ na kokora ganʉ gakororekana amazʉmu kʉbhaatʉ bhʉʉsi. 18 Mʉkajɨ kokora ryʉryʉsi rɨnʉ mʉkʉtʉra, korereke mʉbhɨ no omorembe na abhaatʉ bhʉʉsi. 19 Abhasɨɨgwa bhaanɨ, mʉtarɨhanʼya isiirɨ, mutigɨrɨ Mungu. Nɨrabhugabhu, kʉ kʉbha mʉMaandɨkʉ Amarɨndu Ʉmʉkʉrʉ Mungu arabhuga, "Ʉkʉrɨhanʼya isiirɨ ni-igʉrʉ waanɨ, inyɨ nɨkʉrɨhanʼya."12:19 Rora Amahiityʉ gi Imigirʉ 32:35. 20 Naatu Amaandɨkʉ Amarɨndu garabhuga,
"Umubhisa waazʉ arɨɨbhɨ nɨ ɨnzara, mohe ibhyakurya.
Na arɨɨbhɨ ne enyoota, mohe chu ukunywa.
Oreekorebhu, ʉrabha nkina ukumingiirɨ amakara go omorero kumutwɨ gwazɨ."12:20 Ʉrabha nkina ukumingiirɨ amakara go omorero kumutwɨ gwazɨ, enzobhooro yaku, ʉrabha umusuuchiryɨ igʉrʉ wʉ ʉbhʉbhɨ bhwazɨ kʉbhʉzʉmu bhwazʉ. Rora Mesaari 25:21-22.
21 Ʉtahizwa na amabhɨ, nawe uhizɨ amabhɨ ko kokora amazʉmu.